dende A Raia
Non lonxe do río, no barrio de Torrón, sonan os primeiros redobres de tambores. É o sinal do comezo do Lanzo da Cruz, unha romaría que se celebra dende tempo inmemorial cada Luns de Pascua e que hoxe atopa a súa única representación en dúas comunidades raianas: a Parroquia de Sobrada (Tomiño) e Cristevo do Covo (Valença do Minho).
O encontro prodúcese no medio do río. As músicas de entrambas beiras entrecrúzanse, igual cás cruces dos párrocos encargados de bendicir o río. Dá comezo o ritual: por un bo ano de pesca e a protección dos barqueiros contra todo perigo. Nun día radiante de sol non hai que esquecer as ameazas do río, as grandes pedras e as mestas brétemas polas que tantos afogaron. En agradecemento, os barqueiros afánanse en atrapar unha prezada ofrenda.
dunha rede
Vinte cinco metros escasos abondan para que todo flúa. Cun acordo tácito, pescadores galegos e portugueses tenderon durante décadas as súas redes alternando os tempos de espera nun mesmo río. Recollemos nos seguintes vídeos as súas lembranzas, xeración tras xeración. Napoleão e Alberto fálannos dende a ribeira de Vilanova de Cerveira, Portugal. Albita, Manolo e Nando fano dende a veciña Goián, España. Lembranzas de esforzo e dedicación e, nos tempos de descanso, romarías e encontros na Ilha dos Amores.
Napoleão & Alberto
Ambos lembran con nitidez o día que se coñeceron, cando foron á escola por primeira vez. Dende aquela, as súas vidas entrecruzáronse nun ir e vir de experiencias e profesións. Agora pasan os días apegados ao Miño, mantendo vivo o oficio que herdaron: a pesca no río.
dunha rede
Aos seus 78 anos, Albita Rodríguez ten moi claros os valores e as normas da pesca en augas transfronteirizas. Sentada á beira do Miño, comparte as súas lembranzas acompañada do seu fillo Manolo e de Nando, veciño tamén de Goián. Dúas xeracións revivindo os tempos prósperos dun oficio ao que se lle veo moi preto o final.
Escenas de pesca
c. 1930-1950 (?)
Arquivo Eliseo Alonso
Agradecemento a Alicia Alonso
Casitas brancas do Minho
Onde guardam os tesouros,
As fadas d’olhos azuis
E lindos cabelos loiros.
Filtros de beijos em flor,
Corações de namoradas,
Nas casas brancas do Minho
Guardam ciosas as fadas
Florbela Espanca
No Minho (1894-1930)
Ilha da Boega e Ilha dos Amores, no rio Minho
c. 1900
Arquivo Municipal de Lisboa
Patrocinado por
